Catrin Jenkins

(LLB Anrhydedd)

Galwyd i'r Bar yn 2010 - Gray's Inn

Meysydd Ymarfer - Teulu, Sifil, a Throsedd

Ymunodd Catrin â Siambrau yn denant ym mis Medi 2011 ar ôl cwblhau tymor prawf llwyddiannus o dan oruchwyliaeth Libby Harris.

Addysg a Chymwysterau
Astudiodd Catrin y Gyfraith ym Mhrifysgol Caerdydd, lle'r ennillodd radd 2:1, cyn astudio Cwrs Galwedigaethol y Bar yn Ysgol Gyfraith Caerdydd, lle'r ennillodd radd gyflawn Rhagorol.

Mae Catrin yn siarad Cymraeg yn rhugl, a chwblhaodd Gwrs Eiriolaeth Gymraeg yn llwyddiannus yn Ysgol Gyfraith, Caerdydd. Mae Catrin yn hapus i dderbyn cyfarwyddyd yn y Gymraeg.

Teulu
Mae Catrin yn derbyn cyfarwyddyd mewn materion cyfraith breifat a chyfraith gyhoeddus. Caiff Catrin gyfarwyddyd rheolaidd i ymgymryd â gwaith ar ran Ymgeiswyr ac Ymatebwyr, ac mae Catrin wedi ymddangos ar ran rhieni mewn achosion gofal. Mae ganddi brofiad o arwain achosion interim a therfynol yn y Llys Achosion Teuluol a'r Llys Sirol. Mae Catrin hefyd yn derbyn cyfarwyddid mewn materion sy'n ymwneud â cheisiadau am waharddebau a materion llareiddiad ategol.

Sifil
Mae Catrin yn derbyn cyfarwyddid mewn amrywiaeth o faterion sifil, ac mae hi'n ymgymryd â gwaith ar gyfer hawlwyr ac ymatebwyr. Mae hi yn ymddangos yn rheolaidd yn y Llys Sirol yn ymdrin â threialon, gwrandawiadau methdaliad, grandawiadau meddiannau, a cheisiadau interim. Mae Catrin hefyd yn derbyn cyfarwyddid mewn cyfraith cyflogaeth a materion yn ymwneud â'r tribiwnlys budd-daliadau nawdd cymdeithasol. Mae practis gwaith papur Catrin yn cynnwys drafftio plediadau ac ysgrifennu cynghorau ar ymddiriedolaethau, cyfraith amaethyddol, materion landlord a thenant, anafiadau personol, ac anghydfodau contract.

Trosedd
Caiff Catrin gyfarwyddyd rheolaidd i ymgymryd â gwaith Erlyn ac Amddiffyn yn Llys y Goron a Llys yr Ynadon, ac y mae hi yn ymgymryd â holl agweddau Cyfraith Trosedd. Mae Catrin wedi arwain nifer o dreialon diannod yn ymwneud ag amrywiaeth o droseddau, ac y mae hi'n ymddangos yn Llys y Goron yn rheolaidd mewn materion sy'n cynnwys apeliadau yn erbyn euogfarnau a dedfrydau, ceisiadau am fechnïaeth, a dedfrydau. Yn ogystal, caiff Catrin gyfarwyddyd rheolaidd gan SERCO i erlyn toriadau gofynion tagio electronig o dan orchymyn cyrffiw yn Llys y Goron a Llys yr Ynadon.

Aelodaeth
Mae Catrin yn aelod o'r cymdeithasau canlynol:

Cymdeithas Cyfraith Teulu'r Bar
Cymdeithas Cyfraith Droseddol y Bar
Uned Pro Bono y Bar.