Tymor Prawf
Gall Siambrau Angel gynnig hyd at ddau dymor prawf deuddeng mis bob blwyddyn.
Rhennir y tymhorau prawf yn ddau gyfnod chwe mis. Y nod yw darparu tymor prawf cytbwys a chyflawn sy'n delio â'r holl feysydd cyfraith yng ngwaith y siambrau. Trwy strwythur y tymor prawf, ceisir rhoi cyfle i'r disgybl unigol ennill profiad a hyfforddiant ym meysydd cyfraith trosedd, cyfraith teulu a chyfraith gwlad gyffredinol. Pan fydd modd, rhoddir ystyriaeth i ddiddordebau'r disgybl unigol wrth bennu cynnwys y tymor prawf.
Yn ystod y tymor prawf, penodir goruchwyliwr i'r disgybl. Mae'r pwyllgor disgyblion hefyd yn monitro'r tymor prawf.
Yn ystod ail gyfnod chwe mis y tymor prawf, bydd modd i ddisgyblion unigol weithio'n gyflogedig a derbyn cyfarwyddyd.
Mae Siambrau Angel yn darparu £10,000 i bob disgybl yn ystod y tymor prawf deuddeng mis. Rhennir y swm yn grant o £5,000 yn y chwe mis cyntaf a gwarant o £5,000 o enillion yn yr ail chwe mis. Ni fydd disgwyl i'r disgybl gyfrannu at dreuliau'r siambrau yn ystod y tymor prawf.
Mae Siambrau Angel yn derbyn ceisiadau am dymhorau prawf trwy gynllun OLPAS. Dylid cyflwyno ceisiadau trwy wefan OLPAS ar https://www.pupillages.com.
Dyfernir tymhorau prawf yn Siambrau Angel gyda thenantiaeth yn yr arfaeth. Ar ôl cwblhau'r tymor prawf yn llwyddiannus, bydd y pwyllgor disgyblion ac aelodau'r siambrau'n ystyried y denantiaeth, yn unol â chyfansoddiad y siambrau.
Mae Siambrau Angel yn cynnig nifer cyfyngedig o dymhorau prawf byr. Mae'r rhain ar gael i fyfyrwyr gradd a'r rheiny sy'n astudio ar Gwrs Galwedigaethol y Bar. Dylid cyflwyno ceisiadau am dymhorau prawf byr i Bennaeth y Pwyllgor Disgyblion.
Mae Siambrau Angel yn gweithredu polisi cyfle cyfartal mewn perthynas
â phob cais.
