Cyfraith teulu
Mae gan Gwenno bractis cyfraith teulu prysur yn cynrychioli ymgeiswyr ac ymatebwyr mewn amrywiaeth o faterion teuluol yn y Llys Sirol gerbron Ynadon, Barnwyr Rhanbarth a Barnwyr Cylchdaith.
Mae Gwenno yn aml yn cael cyfarwyddiadau i gynrychioli ystod o unigolion, gan gynnwys rhieni a neiniau a theidiau, mewn perthynas â cheisiadau am Orchmynion Trefniadau Plant, Gorchmynion Mater Penodol a Gorchmynion Camau Gwaharddedig. Mae Gwenno yn ymgymryd â gwaith ar bob cam o achosion materion plant preifat, o wrandawiadau cymodi a chyfarwyddo i wrandawiadau terfynol. Mae Gwenno yn cael ei chyfarwyddo’n rheolaidd mewn materion sy’n ymwneud â cham-drin domestig, honiadau o gam-drin plant a lle mae Awdurdod Lleol yn ymwneud â’r mater.
Mae Gwenno hefyd yn cynrychioli cleientiaid mewn ceisiadau am waharddeb teulu ar gyfer Gorchmynion Peidio ag Ymyrryd a Gorchmynion Meddiannaeth.
Cyfraith sifil
Mae Gwenno yn cyflawni gwaith yn rheolaidd ar amrywiaeth o faterion hawliadau bychain, yn enwedig mewn perthynas â Damweiniau Traffig Ffyrdd, lle mae anghydfod ynghylch atebolrwydd a quantum. Mae Gwenno hefyd yn derbyn cyfarwyddiadau i gynrychioli hawlwyr a diffynyddion mewn gwrandawiadau cam 3 mewn perthynas ag anafiadau personol.